Misskilningur?

Síðast þegar ég vissi var stjórnborði skipa hægra megin, en bakborði var vinstra megin.  Ég þori að setja hausinn að veði fyrir því að þetta er svona enn og var þegar Titanic sökk.  Hvar er þá misskilningurinn ef skipunin var að beygja hart á stjórnborða og beygt var til hægri?

 

Það er reyndar að verða óþolandi að lesa fréttir í íslenskum blöðum vegna stafsetningar-og málfræðivilla, auk þekkingarleysis á málefnum.  

Titanic þurfti ekki að sökkva

Athugasemdir

[Jón Aðalbjörn (IP-tala skráð) 22.9.2010 kl. 15:39]

" Ég þori að setja hausinn að veði fyrir því að þetta er svona enn og var þegar Titanic sökk."

Segir - þú ertu viss? Kannaðu málið, og þú munt komast að hinu sanna. Fullyrðing er ekki það sama og Yrðing. Með bestu kveðju.

[Gunnar Th. Gunnarsson, 22.9.2010 kl. 20:35]

Þetta er rétt hjá Jóni Aðalbirni

[Stebbi stóð á ströndu..., 23.9.2010 kl. 15:54]

Hér áður fyrr, við getum nefnt víkingatímann, sem dæmi, var stýrið á skipum utanáliggjandi og var hægra megin, aftur við skut.  Þar af leiðandi var það borð kallað stjórnborð/stjórnborði.  Að stýra skipi á stjór eða bak hefur ætíð í mínum málskilningi átt við í hvaða átt skipið átti að snúast, burtséð frá hvernig menn meðhöndluðu stýrishjólið.  Ég hef reyndar aldrei heyrt að stýri hafi verið snúið í bak/vinstri, ef menn vildu að skipið beygði á stjór/hægri.  Ef svo var sannast hin gamalkunna að "svo lengi lærir sem lifir."  mbk Stefán